ANNOUNCEMENT

FRIENDS, ROMANS, COUNTRYMEN, LEND ME YOUR EARS!

ANG ATING TRANSPORTER NA SI EYADO AY ISA NANG ABOGADO!

kung sinong gustong magpanotaryo dyan, o magpa process ng mga papel, pakicontact lang kami. negotiable ang presyo.hahahaha!

we're alive!

taliwas sa paniniwala ng marami, buhay pa po kami.

marami lang nagbago sa mga buhay namin: si ice ay nasa ibang bansa na, si eyado ay kakatapos lang sa bar exam at ngayon ay isa nang ganap na construction worker, si iroll ay naghahanap ng bagong trabaho dahil hindi na nya malaman kung panong gagastosin ang pagkalaki- laki nyang sweldo, at si nikoy naman ay isang abang guro sa isang college dito sa davao city, hindi alam kung anong gustong gawin sa buhay. hahay.

pansamantala muna kaming mawawala. aayusin muna namin ang mga buhay namin at mag iipon muna kami ng maraming salapi para sa aming next tour.haha.

special announcement

congratulations kay eyado mula sa nagmamahal mong ukaya berks. he's graduating from ateneo law on april 28 with honors.

****
nagtext sakin si eyado. di daw sya honor.hehe. pauso ko lang yun.hehehehhehe

it's final!

we're going to bohol!

here's the plan:

we're going to meet up in cebu on April 4. iroll, eyado, my sister tisha, and i will be going to cebu by plane. we'll be taking the first flight.

aya who will come from butuan will travel by sea. we'll meet up somewhere in cebu and then go to bohol as a group!

aside from chocolate hills, loboc river, and tarsiers, what else should we be excited about? any recommendations?

new template

like the new template or do you like the old one better?

TANJOBI

MALIGAYANG KAARAWAN KAY EYADO!

dahil alam naming nasa iyo na lahat ng gusto mo, ang wish nalang namin ay sana makatulog ka na ulit ng walong oras sa isang gabi!!!! wahahahahaha!

konti nalang matatapos mo na ang iyong pag- aaral. good luck!

**epol falls, buda, davao city
april 2006

isang mensahe galing kay nikoy

gusto ko lang pong magpasalamat sa lahat ng mga nagtyaga sa pagbasa ng blog namin. lalo na kela eye, sydney, ferdz, lino. kayo ang mga inspirasyon namin sa pag gawa ng aming weblog at ngayon nagcocomment na kayo sa blog namin. walang kapantay ang sayang naidudulot ng comments nyo sa akin, bilang taga maintain ng weblog na ito.


kela chikadee, simpleyesa, digi at iba pa naming mga kaibigan at mga kakilala na hindi namin namention na bumibisita sa blog namin, maraming salamat sa suporta. sana ay naaliw kayo sa mga kalokohan namin.


mabuhay tayong lahat!


_____
*hindi ako nakikisakay sa oscars ha. at lalong hindi ako tatakbo sa eleksyon. talagang may mga tao lang kaming gustong pasalamatan.

**medyo naiiyak ako kanina habang sinusulat ko tong entry.hehe

tanjobi!

it's ice's birthday! happy birthday to you!!!!

sa iyo kaibigan, mahabang buhay, malusog na pangangatawan, at marami pang adventures. mahal ka namin. maligayang kaarawan muli.

ice breaker

as promised, eto ang sobrang pinagisipan na contribution ni ice with comments from myself.hehe

• Salad - ang official food sa Seagull adventures ( summer 2006 )
  

may malaking lugar ang salad sa aming mga puso at mga tiyan. nagsimula ito noong 2006 dahil sa sobrang dami ng gulay sa lugar na nadaan namin papunta ng seagull. ito ay ang brain child ni nikoy. actually, ginaya nya ang recipe ng isa sa mga paboritong eating places ng Ukaya sa downtown davao, ang MAJID'S PERSIAN KABAB. madali lang itong gawin. kailangan mo lang ng diced na seedless na pipino, kamatis, sibuyas, at hiniwang lettuce. paghaluin sa isang malaking bowl, pigaan ng kamatis at budburan ng kaunting asin. ganoon lang kasimple. it goes well with salted egg and of course, corned beef.

• Fresh Milk - pampakalma ng Ukaya

matapos naming malaman ang tungkol sa kultong nanggagahasa ng mga babae at nananapyas ng suso (na ayaw na naming isipin muli kung gusto ninyo ang complete details, eto ang link: last stop: kidapawan- year ender part 5), ito ang ininom namin para mabawasan ang mga takot namin sa aming mga katawan.

• Caves - ang favorite place ng Ukaya para hanapin si relevance, assessment, at evaluation

kapag kami confused, kami ay nageexplore ng caves. baka kasi nagtatago lang doon ang mga importanteng concepts na related sa development. hanggang ngayon, hindi parin namin sila natatagpuan.

• Waterfalls - ang achilles heel ng Ukaya

kung ang ibang adventurers mahilig umakyat ng bundok, ibahin nyo kami, waterfalls ang trip namin. pag may nakapag bigay ng tip sa amin kung saan may magandang waterfalls, siguradong pupuntahan namin ang lugar na iyon.

ANG MILAGRO NI IROLL

may himalang nangyari, iminungkahi ni iroll sa akin na bumuo kami ng isang list ng mga salitang may espesyal na ibig sabihin sa grupo. nagbigay na rin sya ng list nya para maipost kaagad sa ukaya blog.

natuwa naman ako dahil medyo nagsasawa na rin ako na ako lang ang gumagawa ng write ups para sa aming blog. mas masaya kung lahat kami ay makakapag contribute kahit kaunti lamang.

kaya hindi ako nagdalawang isip na ipost ang contribution nya dahil ang mga makata ay hindi pwedeng tanggihan. lalo na kung may dala silang chain saw na nakatutok sa inyong leeg.

kaya eto ang first batch ng UKAYA SPEAK

• Corned beef- ang pinakamasarap na pagkain sa balat ng lupa

ang corned beef ay hindi nawawala sa Ukaya diet. tuwing may lakad (kahit day trip lang), expected na na may dala kaming at least two cans of corned beef per person. mahirap na, baka maubusan pa kami.

• Adobo- Ang pagkaing nilalagay ng Ukaya sa pedestal

ang adobo rin ay may espesyal na lugar sa mga puso at tiyan namin. lagi kaming pinababaunan ng nanay ko ng chicken pork adobo na minsan nang pinagkamalang humba nina ice at iroll. ito ang pinaka espesyal na pagkain ng ukaya.

• Bob Ong- ang pinakasikat na writer sa balat ng Ukaya

ang mga libro ni bob ong ang bibliya ng ukaya. kasalanan nya kung bakit nabuo ang walang kwentang blog na ito. tuwing may lakad kami, may baon akong at least dalawang libro ni bob ong. kapag nakitang tumatawang mag- isa si iroll, huwag mabahala, hindi sya nasaniban ng masasamang espirito, binabasa lang niya ang paboritong libro ni hudas.

next post: ang makabagbag damdaming contribution ni ice.